"Сбербанк России" Еншілес банкі АҚ Оралда "Квант" жобасын 1,5 млрд теңгеге қаржыландырды
/KASE, 29.08.19/ – Бағалы қағаздары Қазақстан қор биржасының (KASE) 
ресми тізімінде тұрған "Сбербанк России" Еншілес банкі АҚ (Алматы), 
Қазақстан қор биржасына 2019 жылдың 29 тамызында келесі баспасөз 
хабарламасын ұсынды:

цитата басы

Сбербанк Қазақстанда жұмсақ және корпустық жиһаздарды өндіру мен 
көтерме-бөлшек саудада сату, сондай-ақ тұрмыстық техника мен 
электрониканы сату бойынша маманданған "Квант" ЖШС жобасын 
қаржыландырды. Ауқымды жоба жиһаз фабрикасының қосымша цехының 
құрылысын, Жиһаз және жүк автокөліктерін өндіруге арналған қосымша 
жабдықтар сатып алуды қамтиды. Инвестициялық жобаның жалпы құны 1,5 
млрд. теңгені құрайды.

 «Біздің жобамыздың негізгі мақсаттары - жиһаз фабрикасы үшін екінші цех 
салу, МДФ, ауыр ағаш және ағаш негізіндегі басқа да материалдардан 
жасалатын жиһаздың бөлшектерін бояудың автоматты желісін сатып алу. 
Сондай-ақ, біз жиектемелік қасбеттерді өндіруге арналған арнайы жабдығы 
мен әр бөлшекке қайта баптауды талап етпейтін, яғни техникалық 
қызметшілердің араласуынсыз ағынды режимде жұмыс істей алатын 
бұрғылау-тұндыру автоматты білдегін сатып алуға шешім қабылдадық. Осы 
жобаны сәтті жүзеге асыру біздің кәсіпорынға шығарылатын өнімнің 
ассортиментін айтарлықтай кеңейтуге, сондай - ақ оны жаңа өткізу 
нарығына шығаруға мүмкіндік береді", - деді "Квант" ЖШС директоры 
Михаил Пшеничный.

цитата соңы

[2019-08-29]