/KASE, 05.03.24/ – Қазақстан қор биржасы Басқармасының (KASE)
2024 жылдың 28 ақпанындағы шешімімен "Қор нарығының индекстері
мен индикаторларын есептеу әдістемесі" (Әдістеме) атты KASE ішкі
құжатына № 2 өзгертулер мен толықтырулар (түзетулер) бекітілді.
Түзетулерді қолданысқа енгізу күні туралы қосымша хабарланатын болады.
Түзетулерге сәйкес KASE есептейтін қор нарығының индекстері мен
индикаторларының тізбесіне Қазақстан Республикасының мемлекеттік
бағалы қағаздар (МБҚ) нарығының мынадай индекстері енгізілген:
1) KZGB_CPm1m (more than one month) – сатып алынған және төленбеген
купондық сыйақыны есепке алмағанда бағалар бойынша есептелетін
өтеу мерзімі 31 күннен және одан жоғары МБҚ-ның "таза" бағаларының
баға индексі;
2) KZGB_DPm1m – өтеу мерзімі 31 күннен асатын МБҚ жиынтық
табысының (есептелген, төленген купондық төлемді және қайта
инвестицияланған купондық төлемді ескере отырып) баға индексі;
3) KZGB_Ym1m – кірістілік көрсеткіші, жылдық пайызбен;
4) тіркелген тізім индексінің дюрациясы, жылмен;
5) тиянақталған тізімімен индекстің өзгертілген дюрациясы.
KZGB_СPm1m индексінің бастапқы мәні 1 000,00 теңге мөлшерінде,
KZGB_Dm1m индексінің бастапқы мәні жинақталған және төленбеген
сыйақының орташа мәнін (теңгемен) қоса отырып, 1 000,00 теңге
мөлшерінде тіркелген.
Түзетулер сонымен қатар көрсетілген индекстерді есептеу тәртібін
анықтайды.
Әдістеменің жаңартылған мәтіні KASE интернет-ресурсында мына сілтеме
бойынша жарияланады
https://kase.kz/ru/kase_rules/ (закладка "Методики").
[2024-03-05]