/KASE, 03.04.25/ – Freedom Holding Corp. қазақстандық қор биржасына
(KASE) Қазақстанның қызмет көрсету саласының 2025 жылғы наурыздағы
іскерлік белсенділік индексіне (PMI) жасаған шолуын ұсынды.
Төменде Freedom Finance Global PLC (Freedom Holding Corp. 100% еншілес
компаниясы) Қаржылық талдау департаментінің директоры Ерлан
Әбдікәрімовтің түсініктемесі келтірілген.
"Қазақстанның қызмет көрсету саласы өзгеріп жатқан нарықтық жағдайларға
жоғары сезімталдық танытуда. Наурызда іскерлік белсенділіктің маусымдық
түзетілген индексі 50,3 тармақты құрады, бұл өткен аймен салыстырғанда
шамалы жақсарғанын куәландырады және бейтарап деңгейге жақын қалып
отыр. Ақпан айымен салыстырғанда наурызда жаңа бизнестің неғұрлым
айқын өсуіне қарамастан, соңғы жеті айда алғаш рет жаңа қызметкерлерді
жалдау қарқынының қысқаруы байқалады. Қызмет көрсету саласындағы
инфляциялық қысым әлсіреді, бұл сату бағасының өсуінің едәуір
баяулауына әсер етті. Алайда шығындарға қысым жоғары деңгейде
сақталуда. Таяу болашаққа блжал сектордағы оптимизмнің өсуін көрсете
отырып, 12 айлық максимумға жетті".
Қазақ тіліндегі материал мына сілтеме бойынша жарияланған –
https://kase.kz/uploads/KZ_Services_KAZ_2503_PR_33c0f60c80.pdf
Орыс тіліндегі материал мына сілтеме бойынша жарияланған –
https://kase.kz/uploads/KZ_Services_RUS_2503_PR_2f32252e03.pdf
Ағылшын тіліндегі материал мына сілтеме бойынша жарияланған –
https://kase.kz/uploads/KZ_Services_ENG_2503_PR_c335f2f4ab.pdf
[2025-04-03]